raah e ishq men wapsi k raastay nhi rehtay
jo is raah men bhatak jaayen woh kahin k nhi rehtay
muhabbaton men dooriyan koi maa'ni nhi rakhtin
dil jo dil k qareeb hon to faaslay nhi rehtay
muhabbat khud he sikha deti hai raazi ba raza hona
jab ishq kaamil ho jaaey to phir gilay nhi rehtay
muhabbaton men wafaaon ka tasalsul bhi zaroori hai
rabt toot jaaey to woh silsilay nhi rehtay
aao us ki yaadon ko hamsafar kar lain raasikh
itni barri duniya men yuun akailay nhi rehtay
Pakistan Rupee Exchange Rate
No comments:
Post a Comment