Agar mumkin ho zakhm-e-hijr ka marham chura laayen

Samandar kAya karen geY qatra-e-shabnam chura laayen
Agar mumkin ho zakhm-e-hijr ka marham chura laayen

Baharo'n k chaley jaaney, khiza'n aaney ka dar na ho
Koi aisa muhabbat ka naya mosam chura laayen

Khabar ho neend ki pariyon na hi khwabon ki devi ko
Tumhen palkon ki doli men bitha kar hum chura laayen

Hamen jazbat k sehra ko bhi sairaab karna hai
kisi tootey huay insaan ki chashm-e-nam chura laayen

Tumhara sath hai to aik bus apna jeewan kyun
Jahaan waalon ki saari umr aao hum chura laayen

Sada ki muskurahat un k honto'n pey sajaaney ko
Chalo Shahi zara chupkey sey un k ghum chura laayen.

Poet:Yaseen Shahi