Baaten teri alhAam hen, jadu teri awaaz.
Rag rag men utarti hui, khushbu teri awaaz.
Behtay chalay jaatey hen tah-e-aab sitarey.
Jesey kahin utri ho lab-e-joo teri awaaz.
Mein shaam-e-ghariban ki udasi ka musafir.
Sehraaon men jesey koi jugnu teri awaaz.
Lafzon men chupaye huey be-rabt dilaasey.
Chunti rahi shab bhar merey aansu teri awaaz.
Yeh hijr ki shab bheeg chali hai keh merey baad.
Roti hai kahin khol k gesu teri awaaz.
MOHSIN k khayalon men utarti hai sar-e-shaam.
Rim jhim ki terha baandh k ghunghru teri awaaz.
Pakistan Rupee Exchange Rate
No comments:
Post a Comment