Na Kar Tu Merey JIsm K Zakhmon Ka Yun HIsab

Itna Bhi Apni Zaat Sey Koi Juda Na Ho,
Nikalay Teri Talash Mein Apna Pata Na Ho,

Dekho Keh Phir Hawaon K Tewar Badal gaye,
Sahil Ki Rait Par Koi Kuch Likha Raha Na Ho,

Tanhaiyaan Kuch Is Tarah Basti Hain Merey Sath,
Aakaash Bhi Jaisey Shajar Sey Juda Na Ho,

Na Kar Tu Merey JIsm K Zakhmon Ka Yun HIsab,
yeh Dekh Terey Hath Mein pathar Bacha Na Ho,

Apnon Sey Bhi Miloon Toh yeh Khof Sa Rahay,
Chehray K Peechay Aur Koi Chehra Chupa Na Ho.