Aisa Ho Sakta Hai Na?

Aisa ho sakta hai na?
keh main nay jaan liya ho,
tujhay teri zaat ki gehrai tak,
teray mehal say lay kar tanhai tak,

Aisa ho sakta hai na?
keh main nay bohat karb saha ho,
teray sitam say lay kar, teri maseehaaii tak,

or aisa bhi to ho sakta hai na?
keh tujhay koi dukh na ho,
meray milnay say lay kar, meri judai tak,

haan yakeen karo,
aisa ho sakta hai shayad,
keh umr bhar k liyay kafi ho,
yeh dukh keh main nay safar kiya,
apni zaat say lay kar,
teri zaat ki rasayee tak,

Aisa ho sakta hai na?
keh main nay jaan liya ho,
tujhay teri zaat ki gehrai tak....