hawa say chheen kar khushbu teray unwaan likhta hoon
mita kar titliyon say rang tumhara aks bharta hoon
mujhay kuch bhi nhi aata muhabbat seekh lee jab say
mein har ik saans har lamha tumharay naam karta hoon
mujhay tum say shikayat ho to meray hont jal jaayen
mujhay teri qasam jaanaan tujhay khonay say darta hoon
zara socho keh un aankhon say kesay door reh paauun
mein jin aankhon ko subha shaam na dekhoon to marta hoon
kabhi ik shaam aa kar tum yeh manzar dekh saktay ho
mein kis terha tumharay hijr kay sholon men jalta hoon
barray he shauq say bakhsho mujhay apnay sitam sangdil
mein woh insaan hoon jo karb men har pal nikharta hoon
aqeel un surmaii aankhon say aagay bhi jahaan kuch hain
mein jab un sard aankhon kay jazeeron men utarta hoon
Pakistan Rupee Exchange Rate
No comments:
Post a Comment