Mohabbat ki duniya men mash’hoor kar doon

Mohabbat ki duniya men mash’hoor kar doon

Merey saada dil, tujh ko maghroor kar doon

Terey dil ko milney ki khud aarzoo ho

Tujhey is qadar ghum sey ranjoor kar doon

Mujhey zindagi door rakhti hai tujh sey

Jo too pas ho to usey door kar doon

Mohabbat k iqraar sey sharam kab tak

Kabhi saamna ho to majboor kar doon

Yeh be-rangiya’n kab tak, ay husn-e-rangee’n

Idhar aa, tujhey ishq men choor kar doon

Too gar saamney ho to men be-khudi men

Sitaron ko sajdey pey majboor kar doon

Siyah khana ghum hai saaqi zamana

Bas ik jaam aur noor hi noor kar doon

Nahi zindagi ko wafa warna Akhtar

Mohabbat sey duniya ko maamoor kar doon