Mujh ko ik hamdam mila tha,ik safar ki raat men
Main bohat baykhud hua tha,ik safar ki raat men
janay kis ki yaad thi keh ik manzar dekh kar
toot kar main ro parra tha! ik safar ki raat men
Woh keh jis sayy umr bhar ki Dooryian mansoob hain
Meray seenay say laga tha ik safar ki raat men
Har taraf phaily huye thay yaad-e-gham k silsilay
Kitna mushkil raasta tha, ik safar ki raat men
ghar say bahir paaon rakhtay hi Laraz uth-ta hai Dil
Haadsa aisa hua tha Ik safar ki raat men
Aaj bhi Gungunata hoon usay tanhai men
Geet jo hum nay suna tha Ik safar ki raat men
Pakistan Rupee Exchange Rate
No comments:
Post a Comment