اِک صدا پکارے جاتی ہے

گھنے گھنگھریالے بالوں والا شہزادہ

وارث شاہ کے دیس کا رہنے والا

اُونچا قد اور اُس سے اُونچا شملہ

روشن ماتھا اوراُس پر اقبال کا چاند

بُھوری آنکھیں اور اُن میں سچے موتی

ترشے ہُوئے لب اورمہکتے میٹھے بول

کڑیل ایسا

اپنی بائیں ہتھیلی پر وہ مجھے اُٹھا ے

یُوں چلتا ہے

جیسے زمین فقط اُس کے قدموں کے لئےبنی ہے

کم کم بولنے والا

اورزیادہ دیکھنے والا

میرے چاروں جانب

اپنے وجود کی ونجلی بجائے جاتا ہے

اُس سے ہزاروں کوس

کی دُوری پر بیٹھی ہوں

اورپھر بھی

اِک صدا پکارے جاتی ہے

میرے نام کوسانجھ سویرے

اِک تان بلائے جاتی ہے

مجھے پل پل تخت ہزارے