برسوں بعد

تم مجھ سے بارہا ملیں‘
لمحوں میں‘ گھٹنوں میں‘ ہم نے
کتنی باتیں کیں۔۔۔
باتیں جو ضروری تھیں اور نہ مفید‘
اور جنہیں ۔۔۔۔
تم کبھی یاد بھی نہ رکھ پاؤ گی
لیکن کبھی تم نے سوچا‘
ایک بات‘ جو ہر لحظہ
میرے دل اور ذہن پر نقش رہ کر بھی‘
کبھی۔۔۔
تم پر عیاں نہ ہو سکی‘
لیکن خیر ۔۔۔شاید تم
ابھی‘ اس تک نہ پہنچ پاؤ‘
لیکن‘
برسوں بعد کبھی‘
جب ایسے ہی ‘ کسی خوبصورت لمحے میں
تم  تنہا کچھ سوچو گی۔۔۔
تو شاید۔۔۔
میرے احساس کی اس گہرائی کو‘
محسوس کر سکو‘
ذرا سوچو
یہ انتظار ‘ کتنا صبر آزما ہے