Main siyah raat kay safar par hoon

Main siyah raat kay safar par hoon
aik qendeel yaad-e-janan ki
hath mein hai,magar hawa hai taiz

main to ik baat kay safar par hoon
jo kisi kunnj-e-labb say phooti thi
aur meri tamam umr ko--- aik
dasht-e-pur khaar mein dhakael ga'ei

saari subhein,usi kay naam huein
saari fathein,usi kay naam huein
main,faqat maat kay safar par hoon
main to ik baat kay safar par hoon!