Saiyaan zaat adhoori hay , Saiyaan baat adhoori hay

Saiyaan zaat adhoori hay , Saiyaan baat adhoori hay
Saiyaan raat adhoori hai , Saiyaan maat adhoori hai
Dushman chaukanna hai laikan , Saiyaan ghaat adhoori hai

Saaiyan runj malaal bohat , Deewanay bay haal bohat
Qadam qadam per jaal bohat , Pyar muhabbat kaal bohat
Aur isi aalam main Saiyaan , Guzar gaye hain saal bohat

Saiyaan har soo dard bohat , Mausam mausam sard bohat
Rasta rasta gard bohat , Chehra chehra zard bohat
Aur sitam dhaanay ki khatir , Taira ik ik fard bohat

Saiyaan teray sheher bohat , Gali gali main zeher bohat
Khof zada hay deher bohat , Us pe tera qeher bohat
Kali ratain itni kyun , Hum ko ik hi peher bohat

Saiyaan dil majboor bohat , Roh bhi choor o choor bohat
Paishani bay noor bohat , Aur lamhay maghroor bohat
Aisay mushkil aalam mein , Tu bhi hum se door bohat

Saiyaan raahain tung bohat , Dil kam hain aur sung bohat
Phir bhi tairay rung bohat , Khalqat sari dung bohat
Saiyaan tum ko aatay hain , Behlanay kay dhung bohat

Saiyaan mairay taaray gum , Raat kay chand saharay gum
Saray jaan se pyaray gum , Aankhein gum nazaray gum
Rait mein aansoo doob gaye , Rakh mein huay shararay gum

Saiyaan rishtay toot gaye , Saiyaan apnay chhoot gaye
Such gaye aur jhoot gaye , Taiz muqaddar phoot gaye
Janay kaisay dakoo thay , Jo lutay huwo ko loot gaye

Saiyaan tanha shamon mein , Chunay gaye hain bamon mein
Chahat kay ilzamon mein , Shamil huay hain ghulamon mein
Apni zaat na zaaton mein , Apna naam na naamon mein

Saiyaan veerani kay sadqay , Apni yazdaani kay sadqay
Jabar e insani kay sadqay , Lambi zandani kay sadqay
Saiyaan mairay achhay Saiyaan , Apni rehmani kay sadqay

Saiyaan mairay dard ghata , Saiyaan mairay zakhm bujha
Saiyaan mairay aib mita , Saiyaan koi naveed suna
Itnay kalay mausam mein , Saiyaan apna aap dikha

Saiyaan Mairay Achhay Saiyaan , Saiyaan Mairay Dholay Saiyaan
Saiyaan Mairay Pyaray Saiyaan , Saiyaan Mairay Beebay Saiyaan