Jab Kisi Jaam Ko Honton Sey Lagaya Mein Ney
Raqs Karta Huwa Dekha Tera Saaya Mein Ney
Mujh sey Mut Pooch Merey Mohtasib-e-sheher Sey Pooch
Kyun Teri Aankh ko Paimaana Banaaya Mein Ney ?
Log Kehtey Hein Qasida Woh Terey Husn Ka Tha
Aam Sa Geet Jo Mehfil Men Sunaya Mein Ney
Mai'kada Band Tha Laikin Joon Hee Garja Baadal
Apni Tauba Ko Chatakh’ta Huwa Paya Mein Ney
Shair-o-Naghmaat Ka Rishta Kabhi Toota Na Qateel
Jab Ghazal Bun K Woh Aaya Usay Gaaya Mein Ney
Pakistan Rupee Exchange Rate
No comments:
Post a Comment