Sirf Terey Haathon Ko Choomuun Teri Bait Chaahoon
So Dar Chhor K Teri Ik Haseen Karaamat Chaahoon
Thorray Thorray Din Kaatay Hain Kitni Hee Galiyon Men
Aakhri Baar Terey Dil Men Ay Dost Sakoonat Chaahoon
Aa Mein Koi Dhang Sikhaauun Tujhko Baichaini Ka
Tera Dost Huun Apni Si Teri Bhi Haalat Chaahoon
Terey Zehen Ki Chaandi Aur Terey Badan Ka Sona
Apna Jism Luta Kar Bhi Mein Sirf Yeh Daulat Chaahoon
Ooper Waala Pooch Hee Baithay Mujhsey Tou Mein Buzdil
Tujh Sey Khul Kar Baatain Kar Saknay Ki Himmat Chaahoon
Be-Gharzi Ki Aakhri Had Per Banaa Qateel Jo Saathi
WOhi Tou Hai Ik Shaks Jisay Mein Binaa Zaroorat Chaahon
Pakistan Rupee Exchange Rate
No comments:
Post a Comment