ROSHNI DETAY GUMAANON KI TARAH HOTA HAI
HUSN BHI AAINA KHAANON KI TARAH HOTA HAI
HIJR WOH MAUSOM E VEERANI E DIL HAI JIS MEN
AADMI UJRRAY MAKAANON KI TARAH HOTA HAI
MAAT HO SAKTI HAI CHAALON MEN KISI BHI LAMHAY
ISHQ SHATRANJ KAY KHAANON KI TARAH HOTA HAI
WOH JO AATA HAI TERI YAAD KAY RUKHSAAR TALAK
ASHK TASBEEH KAY DAANON KI TARAH HOTA HAI
TUJH KO HAATHON SAY GANWAYA TO YEH MEHSOOS HUA
PYAR BHI JHOOTAY AFSAANON KI TARAH HOTA HAI
BAAZ AUQAAT MUHABBAT KAY DINON MEN AIJAAZ
AIK LAMHA BHI ZAMAANON KI TARAH HOTA HAI
Pakistan Rupee Exchange Rate
No comments:
Post a Comment