US WAQT AGAR TUM AA JAO!!!

jab shab k shikasta zeenon sey mehtaab ubharney lagta hay
jab gham k sard alaao may umeedain bujhney lagti hain
jab dil k shoreeda sumandar may aawazain marney lagti hain
jab mousam haath nhi aatey,jab titly baat nhi karti
jab zinda rehna ik be maani kaam dikhayi daita hay
jab aaney wala har lamha dashnaam dikhayi daita hay
jab yaad k gehrey sannatey may chehrey gum ho jaatey hain
jab dard sey bojhal aankhon may gardaab sey parrney lagtey hain
jab shamayain gul ho jaati hain,jab khawab bikharney lagtey hain

US WAQT AGAR TUM AA JAO!!!