zakhm siiney men nihaan they pehley

ham keh maguub-e-gumaan they pehley
phir wahin hain keh jahan they pehley

khawahishen jhurriyan ban kar ubhrin

ab to har bat pey ro detey hain
waqif-e-suud-o-ziyan they pehley

dil sey jaisey koi kaanta nikla
ashk aankhon sey rawaan they pehley

ab faqat anjuman'araai hain
aitabar-e-dil-o-jan they pehley

dosh pey sar hai keh hai barf jami
ham to sholon ki zubaan they pehley

ab to har taaza sitam hai tasliim
haadsey dil pey garaan they pehley

meri hamzaad hai tanhai meri
aisey rishtey bhi kahan they pehley