usay yaad rakhna muhaal tha mujhay bhoolnay par malaal tha
meri fikar ko jala mili woh tera hi hushn-e-khyaal tha
kabhi gardish-e-waqt nay aaj tak meray hoslay ko na maat di
jo hawa kay rukh pay tha zofishaa'n woh mera hi husn-e-khyaal tha
ye har ek shaam diya jala kay hawao'n say mera poochna
tum hi kuch batao keh kaya huwa mera aakhri jo sawaal tha
faqt ek zarb-e-khafeef say mera aabgeena bigarr gaya
jo bikhar gaya to pata chala keh simtna kitna muhaal tha
ram-e-aa'hoo jesay gurez'pa ho khud agehi kay saraab mai
wohi hijrato'n ka fareeb tha wohi gham-e-dil ka ghazaal tha
koi kaya bataye keh zeest mai na kashish rahi na maza raha
jo guzar gya woh shabaab tha jo bikhar gaya woh jamaal tha
Pakistan Rupee Exchange Rate
No comments:
Post a Comment