Ab Laut Aao Keh Aik Bar Phir Mera Dil

Ab Laut Aao

Keh Aik Bar Phir Mera Dil

Apni dharkanon Kay Be'qaboo Honay Ka Khail

Dekhna Chahta Hai



Ab Laut Aao

Keh Aik Bar Phir Meri Palken

Tumhari Nazron Sey Ghabra Ker

Jhukna Chahti Hain



Ab Laut Aao

Keh Aik Bar Phir Meray Qadam

Tumharey Qadmon Kay Saath

Unhi Raston Per Chalna Chahtey Hain



Ab Laut Aao

Keh Aik Bar Phir Mera Wajood

Tumharey Ishq Ki Aag Main

Jalna Chahta Hai



Ab Laut Aao

Keh Aik Bar Phir Meri Zindagi

Tumhari Zindagi Sey Jurr Ker

Khud Ko Jeena Chahti Hai...!!!