Miley Jahaan Sey Kisi Ko Kaantey Kisi K Hissey Ghulab Thehrey

Miley Jahaan Sey Kisi Ko Kaantey
Kisi K Hissey Ghulab Thehrey


Jisey Wo Chahey Nawazta Hay
Yeh Merey Rab K Hisaab Thehrey


Barra Raheem-o-Kareem Hay Wo
Jisay Bhi Dey day Yeh Us Ki Marzi


Kisi K Hissey Sawab Likh dey
Kisi K Hissey Azaab Thehrey


Yeh Apni Taqdeer Sey Mila Hay
Kisi Ko Darya Kisi Ko Sehra


Koi Tarasta Hay Boond Bhar Ko
Kisi K Hissey Sairaab Thehrey


Koi To Din Men Bhi Dekhay Sapnay
Kisi Sey Neendain Bhi Door Thehrey


Kisi K Hissey Men Ratjagey To
Kisi K Hissey Men Khawaab Thehrey