Mohabbat Kay Saanchay Mein Dhalta Raha

Mohabbat Kay Saanchay Mein Dhalta Raha
Isharay Pay Mein Dil Kay Chalta Raha
Barri Kaam Aayi Lagan Ishq Mein
Main Gir Gir Kay Khud Hi Sambhalta Raha

Nigaahen Barasti Rahin Raat Bhar
Magar Zakhm-E-Dil Tha Keh Jalta Raha
Whi Ishq Ab Dushman-E-Jaan Hai
Mera Khoon Pee kar Jo Palta Raha

Jisay Darr Se Duniya Kay Dafna Diya
Wo Arman Phir Bhi Machalta Raha
Na Mil paai Taabeer Lekin Yeh Dil
Hasee’n Khaab Say Hi Behalta Raha

B-Zaahir To Mein Ji Gya Ishq Mein
Magar Umr Bhar Dam Nikalta Raha
Wo Sayyad Raqeebon Say Miltay Rahay
Main Hasrat Say Haathon Ko Malta Raha