Tabhi To Main Mohabbat Ka Hawalati Nahi Hota

Tabhi To Main Mohabbat Ka Hawalati Nahi Hota
Yahan Apne Siwa Koi Mulaqati Nahi Hota

or Ab Is Baat Par Bhi Mujh se Mere Yaar uljhte Hain
Ke Main Har Baat Sun Leta Hoon Jazbati Nahi Hota

Giraftar-e-Wafa, Ronay Ka Koi ek Mosam Rakh
Jo Nala Roz Beh nikle Woh Barsati Nahi Hota

Tujhe Dil Main Jaga Di Hai Nazar Se Door Kya Karte
Jo markaz Main Thehar Jaye Woh Mazafati Nahi Hota

Bicharne Ka Iraada Ho To Mujh se Mashwara Karna
Mohabbat Main Koi Bhi Faisla Zaati Nahi Hota