dil ki dehleez pay dilbar aaya

dil ki dehleez pay dilbar aaya
pyas kay dar pay samandar aaya


chaltay chaltay teri khushbu aaii
mein yeh samjha keh tera ghar aaya


asal men thi woh hawai aahat
mein barri tezi say baahir aaya


theen khataayen to sar a sar dil ki
zad men aaya to mera sir aaya


chhoot kar tujh say kahin ja'a na mili
loat kar phir teray dar par aaya


us ko lauta diye sab us kay khatoot
haaey nadaan yeh kaya kar aaya


yaar aaya keh na aaya ateeb
naam e yaar bara'bar aaya

دل کی دہلیز پہ دلبر آیا 
پیاس کے در پہ سمندر آیا 

چلتے چلتے تری خوشبو آئی 
میں یہ سمجھا کہ ترا گھر آیا 

اصل میں تھی وہ ہوائی آہٹ 
میں بڑی تیزی سے باہر آیا 

تھیں خطائیں تو سراسر دل کی 
زد میں آیا تو مرا سر آیا 
چھوٹ کر تجھ سے کہیں جا نہ ملی 
لوٹ کر پھر ترے در پر آیا
اس کو لوٹا دئیے سب اس کے خطوط 
ہائے نادان یہ کیا کر آیا 
یار آیا کہ نہ آیا اطیب 
نام یار برابر آیا