charh kar jo aaj aankh ka darya utar gaya
lagta hai shauq e hijr ka nasha utar gaya
sar sabz khawab ugnay lagay sat'ha e chashm par
dil ki zamee'n pay jab sey woh chehra utar gaya
na qadri e wafa mai kaha'n tak koi chalay
yuun he tha usko dil sey utarna utar gaya
dey kar phir aaj tohfa e jaa'n raah e zeest mai
mayyaar e shauq par koi poora utar gaya
jab bhi wafa k mathay pey koi shikan parhee
shauq e junoo'n taraaz ka chehra utar gaya
woh aa gaya to narm sey jazbay umadd parray
khud par QAMAR jo ghussa tha saara utar gaya
Pakistan Rupee Exchange Rate
No comments:
Post a Comment