Jism K Jazeeray Men, Yeh Jo Dil Ki Vaadi Hai
Is Pey Raaj Hai Jis Ka, TU Wo Shaahzaadi Hai
Apnay Dar Pey Sajdo'n Ki Raah Kaya Dikha Di Hai
TU Ney Merey Maathay Per Zindagi Sajaa Di Hai
Tujh Ko Bhoolna Chaaho'n, Aur Shikasst Khaa Jaaun
Kitni Be-Waqaar Apni Quwwat-e-Iraadi Hai
Justuju K Sehraa Men Ab Kaha'n Koi Aanchal ?
Mein Ney Apni Chhao'n Bhi Dhoop Men Ganwa Di Hai
Yaad Kar Ay Taaj Kubhi, Tu Bhi Uss Mohabbat Ko
Jis Ney Terey Marmar Ko Chaandni Pila Di Hai
Mera Saath Kaya Dey ga, Shaikh Bar'sar-e-Mehfil ?
Wo TOu Chhup K Bai-chaarah Jhoomnay Ka Aadi Hai
Dost Sab Qateel Apnay Tul Gaye Raqaabat Per
Mein Ney Koi Dil Ki Baat Jub Unhain Suna Di Hai
Pakistan Rupee Exchange Rate
No comments:
Post a Comment