Is zindagi ki raah per

Is zindagi ki raah per
Milo tum mujh say kabhi agar
Na aankhon main shanasaai ho
Na ho naam mera honton per
Yoon guzro jaisay keh ajnabi
Na milaana tum mujh say nazar
Keh aankhain hain meri bewafa
Yeh raaz na tum peh khol dain
Jo aansoo hain rukay howay
Palkon kay band na torr dain
Tum m’urr kar bhi na mujh ko dekhna
Keh kaya khabar woh ik nazar
Mujhay phir say dagmaga na day
Phir ik baar meray seenay main
Ik aur zakhm laga na day
To suno na bhool jana tum
Kisi raah per milo jo tum kabhi
Guzar jaao keh jaisay ajnabi