Sab Mohabbat ka ik pehar hai

Yeh jo palkon pe rimjhim sitaron ka mela sa hai
Koi teray bina kitna akela sa hai
Dil teri yad se mehka hua ik shehar hai
Sab mohabat ka ik pehar hai..

Sahilon pay ghrondhey banaaye they hum nay
Tumhen yaad hai..?
Rung barish mein kesey urraye they hum nay
Tumhen yaad hai..?
Janey kis kay leay ghar sajaye they hum ne
Tumhen yaad hai..?

Koi khushboo ka jhonka Idhar aa niklata kahin
Gum hai neendon kay sehra mein khuabon ka jazba kahin
Her khushi aatey jatey huay waqt ki lehar hai
Sab mohabbat ka ik pehar hai..

Zindagi dhoop chhaon ka ik khail hai bheer chhat-ti nahi..
Aur is khail mein Din guzarta nahi, raat kat-ti nahi
Pyar kertey huay Aadmi ki umar kabhi ghat-ti nahi
Ik Darya hai chaaron taraf darmyan lehar hai
Sab Mohabbat ka ik pehar hai..