usay jab yaad aaye ga keh saawan lot aaya hai

                      usay jab yaad aaye ga keh saawan lot aaya hai

bula ley ga woh mujhko ya khud hi lot aayega

usay jab yaad ayega main kaisey muskuRata tha
to aankhein muskuRayengi, ya daaman bheeg jayega

usay jab yaad ayega main kaisey naam leta tha
to meRa naam likheyga, ya apna bhi mitaayega

usay jab yaad aayega mera khaamosh sa rehna
to sab ko bol dey ga wo ya khud sey bhi chupaayega

usay jab yaad aayega meRa nangey sar phirna
to bijli ban k karkey gaa, ya baadal baN k chhayey ga

usay jab yaad aayega mera chalna, mera phirna
to raah meiN khaaR boye ga, ya phir palkein bichayega