Monday, 30 September 2013

Yeh dukh dil say nhi tal'tay


Yeh dukh dil say nhi tal'tay
Keh us nay haath chhora to
Mujhay rastay nhi miltay

Mera ik khawab us nay aisa torra
Aankh heraan hai
Meray sab khawab yuun sehmay
Keh ab hanstay nhi miltay

Meray jugnu teri khushbu
Mujhay ab kyun nhi milti
Hawa kay narm daaman men
Teray lehjay nhi miltay

Teri in talkh baaton par
Luta doon kyun mein yeh aansu
Yeh heeray dil men paltay hain
Kabhi sastay nhi miltay

Mein shajar e dil ko apnay
Aansuon say sabz rakhti hoon
Yeh dil ki shaakh say poocho
Keh gul ab kyun nhi miltay

Mein kab tak apni aankhon ko
Lahu say bheegtay dekhoon
Maseeha kyun nhi aatay
Zakhm mujh say bhi siltay

Yeh duk dil say nhi tal'tay

Post a Comment
Related Posts Plugin for WordPress, Blogger...
Blogger Wordpress Gadgets