aik hii muzhdah subh laatii hai
sehan meN dhuup phail jaatii hai
kyaa sitam hai keh ab terii suurat
Ghaur karney pey yaad aatii hai
sochtaa huuN keh us kii yaad aaKhir
ab kisey raat bhar jagaatii hai
us vafaa-aashnaa kii furqat meN
Khvaahish-e-Ghair kyuuN sataatii hai
kaun is ghar kii dekh-bhaal karey
roz ek chiiz TuuT jaatii hai
Pakistan Rupee Exchange Rate
No comments:
Post a Comment