Yeah Dil ,Yeah Ujdree Hui Chasham-e-Num,Yeah Tanhayee

Issi Say Hota Hai Zahir jo Haal Dard Ka Hai
Sabhi Ko Koi Na Koi Wibaal Dard Ka Hai

Sehar Sissaktay Huay Aasmaan Say Utreee To
Dil Nay Jaan Liya Yeah Bhi Saal Dard Ka Hai

Ab Is Kay Baad Koi Rabta Nahin Rakhna
Yeah Baat Tay Hui Lakin Sawaal Dard Ka Hai

Yeah Dil ,Yeah Ujdree Hui Chasham-e-Num,Yeah Tanhayee
Humaray Pass To Jo Bhi Hai Maal Dard Ka Hai

Yeah Jhaank Laiti Hai Jo Doosray Dil Men
Meri Nigah Men Yeah Sara Kamaal Dard Ka Hai

Hum Us Ko Dekhtay Jatay Hain ,Rotay Jatay Hain
Yeah Sehan-e-Shab Men Parra Hai Thaal Dard Ka Hai

Wahin Kahin Kisi Ghaatee Men Tera Hijar Bhi Hai
Meray Lahoo Say Jahan Ittisaal Dard Ka Hai

Nafas , Nafas Pay Paray Aablon Say Lagta Hai
Na Janay Rooh Men Kab Say Ubaal Dard Ka Hai

Kisi Nay Poocha Keh Bohat Haseen Ho Tum
To Muskura Kay Kaha Sab Jamaal Dard Ka Hai