اِک تری یاد ہٹانے سے نِکل آتا ہے
ہجر کا سانپ خزانے سے نِکل آتا ہے
دِل کی سنسان حویلی میںچُھپایئںکب تک ۔۔۔۔!!۔۔۔
شب کو ہر درد ٹھِکانے سے نِکل آتا ہے
چشم ِنمناک سُلگتی ہے، سُلگ جانے دو۔۔۔!!۔۔
کُچھ دُھواں آگ بُجھانے سے نِکل آتا ہے
پا بہ زنجیر بنایا ہے مگر پہلو سے
دِل تری اوَر، بہانے سے نِکل آتا ہے
پچھلی تعبیر کے چھالے ہیں ابھی پیروں میں ۔۔!!۔۔
پھر نیا خواب سرھانے سے نِکل آتا ہے
Pakistan Rupee Exchange Rate
No comments:
Post a Comment