وہ درد وہ وفا وہ محبت تمام شُد

وہ درد وہ وفا وہ محبت تمام شُد
لے دل میں تیرے قُرب کی حسرت تمام شُد

یہ بعد میں کھُلے گا کے کس کس کا خوں ھوا
ھر اِک بیان ختم، عدالت تمام شُد

تُو اب تو دشمنی کے بھی قابل نہیں رھا
اُٹھتی تھی جو کبھی وہ عداوت تمام شُد

اب ربط اِک نیا مجھے آوارگی سے ھے
پابندیِ خیال کی عادت تمام شُد

جائز تھی یا نہیں تھی، تیرے حق میں تھی مگر
کرتا تھا جو کبھی وہ وکالت تمام شُد

وہ روز روز مرنے کا قِصہ ھوا تمام
وہ روز دل کو چیرتی وحشت تمام شُد

محسن میں کُنج ِ زیست میں چُپ چاپ ھوں پڑا
مجنُوں کی سی وہ خصلت و حالت تمام شُد