mujhay saaray ranj qabool hain usi aik shakhs kay pyar men
meri zeest kay kisi morr par jo mujhay mila tha bahaar men
whi ik umeed hai aakhri usi aik shama say roshni
koi aur us kay siwa nhi,meri khawahishon kay dayaar men
woh yeh jaantay thay keh aasmanon kay faislay hain kuch aur he
so sitaray dekh kay hans parray mujhay teri baanhon kay haar men
yeh to sirf soch ka farq hai yeh to sirf bakht ki baat hai
koi faasla to nhi, teri jeet men meri haar men
zara dekh shehar ki ronaqon say paray bhi koi jahaan hai
kisi shaam koi diya jala kisi dil jalay kay mazaar men
kisi cheez men koi zaaiqa koi lutf baqi nhi raha
na teri tal'ab gudaaz men na meray hunar kay waqaar men
Pakistan Rupee Exchange Rate
No comments:
Post a Comment