Tuesday, 10 September 2013

Chaand Nikley To Mera Jism Mehak Uth’ta Hai


Main Terey Lab Pey Hoon Darina Shikayat Ki Tarah
Yaad Rakhna Hai Tu Ney Mujh Ko Adawat Ki Tarah

Chaand Nikley To Mera Jism Mehak Uth’ta Hai
Rooh Men Utri Hui Taza Muhabbat Ki Tarah

Teri Khatir To Koi Jaan Bhi Ley Sakta Hoon
Main Ney Chaaha Hai Tujhey Gaa’on Ki Ezzat Ki Tarah

Khul Rahi Hai Merey Darina Masaayel Ki Girah
Merey Maahol Men Utra Hai Woh Barkat Ki Tarah

Ab Teray Hijr Men Koi Lutf Nahi Hai Baaqi
Ab Tujhey Yaad BhiKartey Hain To Aadat Ki Tarah

Tum Meri Pheli Mohabbat To Nahi Ho Lekin
Main Ney Chaaha Hai Tumhen Pehli Muhabbat Ki Tarah

Woh Jo Aati Hai To Phir Laut Kay Jaati Hi Nahi 
Tum Lipat Jao Kabhi Aisi Museebat Ki Tarah

Meray Dil Men Koi Masoom Sa Bacha Hai Wasi
Jo Tujhay Sochta Rehta Hai Shrarat Ki Tarha

Post a Comment
Related Posts Plugin for WordPress, Blogger...
Blogger Wordpress Gadgets