Friday, 20 September 2013

Us vafaa-aashnaa kii furqat meN


aik hii muzhdah subh laatii hai
sehan meN dhuup phail jaatii hai

kyaa sitam hai keh ab terii suurat
Ghaur karney pey yaad aatii hai

sochtaa huuN keh us kii yaad aaKhir
ab kisey raat bhar jagaatii hai

us vafaa-aashnaa kii furqat meN
Khvaahish-e-Ghair kyuuN sataatii hai

kaun is ghar kii dekh-bhaal karey
roz ek chiiz TuuT jaatii hai

Post a Comment
Related Posts Plugin for WordPress, Blogger...
Blogger Wordpress Gadgets