qadam qadam par jaal bohat,pyar muhabbat kaal bohat
aur is aalam men saaiyaan,guzar gaey hain saal bohat
saaiyaan har suu dard bohat,mosam mosam sard bohat
aur sitam dhaanay ki khatir,tera ik ik fard bohat
saaiyaan teray shehar bohat,gali gali men zehar bohat
khauf zadda hai dehar bohat,is pay tera qehar bohat
kaali raaten itni kyun,hum ko ik he pehar bohat
saaiyaan dil majboor bohat,rooh bhi choor o choor bohat
aisay mushkil aalam men,tu bhi ham say door bohat
saaiyaan raahain tang bohat,dil kam hain aur sang bohat
phir bhi teray rang bohat,khalqat saari dang bohat
saaiyaan tum ko aatay hain behlaanay kay dhang bohat
Pakistan Rupee Exchange Rate
No comments:
Post a Comment