Bakhiya Gari K ShAuq Men Zakhm Naey Laga Diye

Tu Ney TOh Aey Rafeeq-E-JAan Kuch Aur Hi GUL Khila DiYe
Bakhiya Gari K ShAuq Men Zakhm Naey Laga Diye

Dast-E-Hawa Ney Rait Par PehlEy BanAaey RaasTey
Phir MerEy Ghar K RaaSte Ghar Sey TerEy Mila DiYe

Kitni Thi Ajnabi Fiza PehlEy Pehal Firaaq Men
DArd K IshTiraak Ney Kaii DOst Naye Bana Diye

POocha Tha Kaya Pasand HAi TUm KO Meri Biyaaz Men
Us Ney JUdaaiyOn Key Shair Chun Key MUjhey Suna Diye

iK Sitam Zareef Ney Subh-E-Tarab K Naam Par
Apna Diya BaCha Liya Sab K Diye BUjha Diye

Kitna Sukhan Shanaas Tha Taana Diya TOH YUn Diya
Aap K Fun K Rat-Jagey Hijr Ney JagMaga Diye..  




تو نے تو اے رفیق جاں ، اور ہی گل کھلا دئیے
بخیہ گری کے شوق میں زخم نئے لگا دئیے


دست ہوا نے ریت پر پہلے بنائے راستے
پھر مرے گھر کے راستے ، گھر سے ترے ملا دئیے


کتنی تھی اجنبی فضا ، پہلے پہل فراق میں
درد کے اشتراک نے دوست کئی بنا دئیے


آمد یار کی خبر سن کے ہم اہلِ شوق نے
پلکوں سے گرد صاف کی رستے میں دل بچھا دئیے


پوچھا تھا کیا پسند ہے تم کو مری بیاض میں
اس نے جدائیوں کے شعر چن کے مجھے سنا دئیے


آخری سنگ میل تک سانس اکھڑی چلی مگر
پیش خیال تھا کوئی ، ہم نے قدم بڑھا دئیے


ایک ستم ظریف نے صبح طرب کے نام پر
اپنا دیا بچا لیا سب کے دئیے بجھا دئیے


کتنا سخن شناس تھا طعنہ دیا تو یوں دیا
آپ کے فن کے رت جگے ہجر نے جگمگا دئیے