Musalsal Dil ki Be-Cheni ko kaya kehtay hain dil waalo?

Mujhey mehsoos hota hai keh

Lutf-e-Zindgi kam hai

Ghum-e-Dil had sey barrh kar hai Muyassar ab khushi kam hai

Musalsal Dil ki Be-Cheni ko kaya kehtay hain dil waalo?

Tumhein maloom ho shayad, mujhey to aa'gahi kam hai

Ab is k baad jism-o-jan ko bhi jalaanay sey kaya haasil?

Chiraghon men lahoo jalta hai, phir bhi roshni kam hai


Chalo kuch to usay meri wafaaon ka yaqeen aaya


Nhi hai multafit pehlay sa,phir bhi bayrukhi kam hai


Yeh andaaz e taghaful zaib deta hai usay bayshak


Shanaasa ho na ho lekin jo mujh say ajnabi kam hai

Jisey bhi dost samjha

dushman-e-imaan o jaan wohi thehra

Nahi hai dosti jis sey, ussi sey dushmani kam hai...!


Yaqeen aaey na aaey aap ki marzi, magar nasir


yeh roodaad e alam sachi hai, is men shayari kam hai