yeh pichhley ishq ki baatein hain

yeh pichhley ishq ki baatein hain
jab aankh men khawab damaktey they
jab dil men daagh chamaktey they

jab palkein shehar k raaston men
aashkon ka noor lutati thiin
jab saansein ujley cheheron ki
Tan'man men phool khilati thi
Jab chaand ki rim jhim kirnon sey
Sochon men bhunwar parr jaatey they
Jab ik talatum rehta tha
Aapney be'ant khayalon men
Har ehad nibhaney ki kasmein
Khat khuun sey likhney ki raasmein
Jab aam thiin hum dil waalon men


Ab apni ujrri aankhon men
Jitni roshan si raatein hain
Us umar ki sab soghaatein hain
Who pichli umr thi beet gayi
Who umr bitaaye saal huey
Ab apni deed k raston men
Kuch rang hai guzrey lamhon ka
Kuch ashkon ki baraatein hain
Kuch bhooley bisrey chehrey hain
Kuch yaadon ki baarsatein hain
Yeh pichley ishq ki baatein hain 

یہ پچھلے عشق کی باتیں ہیں،
جب آنکھ میں خواب دمکتے تھے
جب دل میں داغ چمکتے تھے
جب پلکیں شہر کے رستوں میں
اشکوں کا نور لٹاتی تھیں،
جب سانسیں اجلے چہروں کی
تن من میں پھول سجاتی تھیں
جب چاند کی رم جھم کرنوں سے
سوچوں میں بھنور پڑ جاتے تھے
جب ایک تلاطم رہتا تھا !
اپنے بے انت خیالوں میں
ہر عہد نبھانے کی قسمیں
خط، خون سے لکھنے کی رسمیں
جب عام تھیں ہم دل والوں میں
اب اپنی اجڑی آنکھوں میں
جتنی روشن سی راتیں ہیں،
اس عمر کی سب سوغاتیں ہیں
جس عمر کے خواب خیال ہوئے
وہ پچھلی عمر تھی بیت گئی
وہ عمر بتائے سال ہوئے
اب اپنی دید کے رستے میں
کچھ رنگ ہے گزرے لمحوں کا
کچھ اشکوں کی باراتیں ہیں،
کچھ بھولے بسرے چہرے ہیں
کچھ یادوں کی برساتیں ہیں
پچھلے عشق کی باتیں ہیں !