udaas raaton men tez coffee ki talkhiyon men

udaas raaton men tez coffee ki talkhiyon men,
wo kuch zayada hi yaad aata hai sardiyon men,

mujhey ijazat nahin hai us ko pukaarney ki,
jo goonjhta hai lahu men,seeney ki dharkanon men,

wo bachpan jo udaas raahon men kho gaya tha,
mein dhoondta huun usey tumhari sharaarton men,

usey dilasey to dey raha huun magar yeh such hai,
kahin koi khuaf barh raha hai tassaliyon men,

tum apni pouron sey janey kaya likh gaye thay jana,
chiragh roshan hain ab bhi meri hatheliyon men,

jo tu nahin hai to yeh mukamal na ho sakien gien,
teri yehi ehmiyat hai meri kahaniyon men,

mujhey yaqeen hai wo thaam ley ga bharam rakhey ga,
yeh maan hai to diye jalaye hain andhiyon men,

har ik mausam mien roshni si bekhairtey hain,
tumharey ghum key chiragh meri udasiyon men. 

اُداس راتوں میں تیز کافی کی تلخیوں میں
وہ کچھ زیادہ ہی یاد آتا ہے سردیوں میں 
مجھے اجازت نہیں ہے اس کو پکارنے کی 
جو گونجتا ہے لہو میں سینے کی دھڑکنوں میں 
وہ بچپنا جو اُداس راہوں میں کھو گیاتھا 
میں ڈھونڈتا ہوں اسے تمہاری شرارتوں میں 
اسے دلاسے تو دے رہا ہوں مگر یہ سچ ہے 
کہیں کوئی خوف بڑھ رہا ہے تسلیوں میں 
تم اپنی پوروں سے جانے کیا لکھ گئے تھے جاناں 
چراغ روشن ہیں اب بھی میری ہتھیلیوں میں 
جو تو نہیں ہے تو یہ مکمل نہ ہوسکیں گی 
تری یہی اہمیت ہے میری کہانیوں میں 
مجھے یقیں ہے وہ تھام لے گا بھرم رکھے گا 
یہ مان ہے تو دِیے جلائے ہیں آندھیوں میں 
ہر ایک موسم میں روشنی سی بکھیرتے ہیں 
تمہارے غم کے چراغ میری اُداسیوں میں