Chaara Saazon Ki Aziyat Nahi Dekhi Jaati
Terey Bimaar Ki Haalat Nahi Dekhi Jaati
Deney Waalay Ki Mashiyyat Pey Hai Sab Kuch Mauqoof
Maangnay Waalay Ki Haajat Nahi Dekhi Jaati
Din Behal Jaata Hai Laikin Terey Dewaanon Ki
Shaam Hoti Hai Tou Wehshat Nahi Dekhi Jaati
Tamkanat Sey Tujhay Rukhsat Tou Kiya Hai Laikin
Ham Sey In Aankhon Ki Hasrat Nahi Dekhi Jaati
Kon Utraa Hai Ye Aafaaq Ki Pehnaayi Men ?
Aaina Khaanay Ki Hairat Nahi Dekhi Jaati
Pakistan Rupee Exchange Rate
No comments:
Post a Comment