دل بیٹھی تجھ پہ ہار پیا

دل بیٹھی تجھ پہ ہار پیا
کر تو بھی مجھ سے پیار پیا

ان گلیوں میں کچھ بھول گئی
میں روئی زار و زار پیا

اب درد کا ضامن کون بنے
میں برسوں سے بیمار پیا

کیوں‌مہکی مہکی شاموں سے
ہے دل میرا بے زار پیا

کیوں چپ چپ گم سم رہتی ہوں
یہ پوچھ نہ ہم سے یار پیا

کچھ دل بھی بوجھل بوجھل ہے
کچھ یادوں کا انبار پیا

ہم تجھ سے ہیں ناراض بہت
یہ بھول گئے ہر بار پیا

کس حال میں ہوں میں ٹوٹی سی
آ دیکھ سر بازار پیا