Khauf aankho'n sey zuba'n sey har kahani ley gaya
mukhtasir yey hai wo meri zindaganii ley gaya
dey gaya mujh ko samandar ka sakoot ab mustaqil
meri tehreero'n sey darya ki rawani ley gaya
khaak ab urrney lagi, maidaan sehra ho gaye
waqt ka toofan daryaao'n sey pani ley gaya
bhiigay mausam ki baharain, aur barish ki mehak
merey hissay ki wo sab shaamain suhani ley gaya
kaun pehchanay ga ZARRE"N mujhko itni bheerr mai
merey chehray sey wo apni har nishani ley gaya
Pakistan Rupee Exchange Rate
No comments:
Post a Comment