مسکراہٹ ادھار دینا ذرا
کچھ ستارے خریدنا ہیں مجھے
ایک آنسو کا مول کیا لو گے؟
آج سارے خریدنا ہیں مجھے
بول تتلی کے دام کتنے ہیں؟
رنگ پیارے خریدنا ہیں مجھے
سرخوشی میں جو بیچ آیا تھا
غم وہ سارےخریدنا ہیں مجھے
زندگی کے جوار بھاٹے سے
کچھ شرارے خریدنا ہیں مجھے
میں سمندر خرید بیٹھا ہوں
اب کنارے خریدنا ہیں مجھے
زندگی کا خراج کتنا ہے
گوشوارے خریدنا ہیں مجھے
معزرت کہ منیم جی اب تو
بس خسارے خریدنا ہیں مجھے
ڈگمگاتی ہے زندگی عاطف
کچھ سہارے خریدنا ہیں مجھے
Pakistan Rupee Exchange Rate
No comments:
Post a Comment