kaisey chhupaauuN raaz-e-Gham diidaa-e-tar ko kayaa karuuN
dil kii tapish ko kayaa karuuN soz-e-jigar ko kayaa karuuN
shorish-e-aashiqii kahaaN aur merii saadgii kahaaN
husn ko terey kayaa kahuuN apanii nazar ko kayaa kahuuN
Gham kaa na dil men ho guzar vasl kii shab ho yuuN basar
sab yeh qubuul hai magar Khauf-e-sehar ko kayaa karuuN
haal meraa thaa jab badtar tab na huii tumhen Khabar
baad merey huaa asar ab main asar ko kyaa karuuN
Pakistan Rupee Exchange Rate
No comments:
Post a Comment