Aankhon say khawab, dil say tamanna tamaam shud

Aankhon say khawab, dil say tamanna tamaam shud,
Tum kaya gaey keh shoq-e-nazara tamaam shud..

Kal teray Tish-nagaan say yeh kaya mojza hua,
Dariya pay hont rakhy to dariya tamaam shud.

Duniya to aik barf ki sil say siwa na thi,
Pohnchi zara jo aanch to duniya tamam shud.

Shehr-e-dil-e-tabah men pohanchoon to kuch khulay,
Kaya bach gaya hay raakkh men aur kaya tamaam shud.

Ik yaad-e-yar hi to pas-e-andaaz hay MOHSIN,
Warna wo kaar-e-ishq to kab ka tamam shud..