Yeh dil mera jo bohat beqaraar rehta hai
na jaaney kiska isay intezaar rehta hai
Wo duur ho k bhi rehta hai saat-saat meray
meray khayal k rath par sawar rehta hai
Kaha tha ishq na karna kisi sey dil mairay
junoon men khud pay kahaan ikhteyaar rehta hai
Udaasi jheel sii ankhon say jab tapakti hai
kinaray aab koi sogwaar rehta hai
Ye dil darakta hai bas teri chaap k sadqay
mareez-e-shab ko tera intezaar rehta hai
Kabhi to khul kay baras ja meri zameenon pay
keh dasht-e-hijr men her suu ghubaar rehta hai
Tu mujh Ebaad ko izn-e-beyaan ataa kar day
Keh baat karnay ko dil beqaraar rehta hai
Pakistan Rupee Exchange Rate
No comments:
Post a Comment