Zindagi men to sab hi pyaar kiya kartay hain

Zindagi men to sab hi pyaar kiya kartay hain
Main to mar kar bhi meri jaan tujhey chahoon ga

Tu mila hay to yeh ehsaas huwa hay mujh ko
Yeh meri umr mohabbat k liye thorri hay

Ik zara sa gham e doraan ka bhi haq hay jis par
Main ney woh saans bhi tere liye rakh chorri hay


 Tujh pey ho jaaoon ga qurbaan tujhey chahoon ga
Main to mar kar bhi meri jaan tujhey chahoon ga

Apney jazbbat men naghmaat rachaney k liye
Main ney dharkan ki tarah dil men basaya hay tujhey


Main tassawur bhi judayi ka bhala kaisey karoon
Main ney qismat ki lakiiron sey churaya hay tujhey


Pyaar ka ban k nigehbaan tujhey chahoon ga
Main to mar kar bhi meri jaaan tujhey chahoon ga


Teri har chaap se jaltay hain khayaloon men chiraagh
Jab bhi tu aaye jagata huwa jaadu aaye


Tujh ko choo loon to phir aaye jaan e tamanna mujh ko
Dair tak apney badan sey teri khushbo aaye


Tu bahaaron ka hay unwaan tujhey chahoon ga
Main to mar kar bhi meri jaan tujhey chahoon ga


Zindagi main to sab hi pyaar kiya karty hain
Main to mar kar bhi meri jaan tujhey chahoon ga