Aankhon ko intezaar ka day ker hunar chala gaya
chaaha tha aik shakhs ko jaaney kidher chala gaya
din ki wo mehflain gayeen raaton kay rat-jagey gaye
koi samait kar merey shaam-o-sehar chala gaya
jhonka hai ik bahaar ka rang-e-khayal-e-yaar bhi
her-soo bikher bikher gayee khushbo jidher chala gaya
is kay he dum sey dil men aaj dhoop bhi chaandni bhi hai
dey kay wo apni yaad kay shams-o-qamar chala gaya
kuucha ba kuucha dar-ba-dar kab sey bhatak raha hai dil
hum ko bhula kay rah woh, apni dagar chala gaya
Pakistan Rupee Exchange Rate
No comments:
Post a Comment